كيفية الاشتراك في فودافون كاش مجانا

نظراً للخدمات العديدة والمزايا التي تقدمها شركة فودافون لمستخدميها وخصوصاً مستخدمي فودافون كاش ، فإن عدد كبير من الناس يريد الاشتراك في فودافون كاش هذه الأيام ، وسوف نوضح لكم متطلبات التقديم وكيفية الاشتراك في فودافون كاش مجانا. 

متطلبات الاشتراك في فودافون كاش مجانا

• أن يكون الخط سبق تسجيله.

• أن يكون الشخص الموجود يحمل بطاقة شخصية. 

• أن يكون الخط مسجل باسم الشخص حامل الخط. 

• أن يكون الخط موجود مع المستخدم. 

• أن يكون الفرع رئيسي لفودافون وليس فروع عادية ( محلات الموبايلات ).

• 2 صورة بطاقة شخصية.

ويمكن تبسيط معني ذلك فيما يلي :

 (الخط يكون ملك ليك ، ومعاك بطاقة شخصية وصورتين ليها ويكون الخط معاك في التليفون وتروح أي فرع معتمد من فروع فودافون ).

خطوات الاشتراك في فودافون كاش مجانا 

التوجه إلي الفرع و انتظار دورك ثم بعد ذلك تخبر التيلر بالرغبة في الاشتراك في فودافون كاش ، وهذه الخدمة مجانية أي أن الاشتراك في فودافون كاش مجانا حتي الآن ، وبعدها يقوم التيلر باخذ بياناتك واعطائك عقد للاشتراك في فودافون كاش تقوم بالتوقيع عليه.

ممكن اعمل فودافون كاش من غير ما اروح الفرع  ؟ 

للأسف الموضوع دا اتلغي من فترة كبيرة بسبب المشاكل اللي كانت بتحصل لأن الخط ممكن يكون مش متسجل بإسمك وبعد ما تعمل فودافون كاش وتحط فلوس ما تعرفش تسحبها لأن بالنسبة للشركة أنت مش صاحب الخط ، وعلشان كدا الشركة قررت عدم فتح أي حسابات فودافون كاش من غير التوجه للفرع والتوقيع علي عقد وبنود الخدمة. 

مشاكل قد تواجهك عند الاشتراك في فودافون كاش

عندك مشكلة إن الخط مش متسجل باسمك ، بس هو بتاعك وبقاله فترة كبيرة معاك ومش عارف تعمل ايه ولا ازاي تنقل ملكيته ؟ 
اقرأ المقال التالي دا :  

كيفية نقل ملكية خط فودافون باسمي 

مزايا فودافون كاش 

◘ سهولة الإيداع والسحب من أي ماكينات فوري أو ATM .
◘ عدم وجود رسوم علي الإيداع. 
◘ انخفاض الرسوم علي السحب ، تقريباً 3 جنيهات في العملية الواحدة.
◘ امكانية تحويل الرصيد من فودافون كاش لأي خط فودافون عادي. 
◘ امكانية وسهولة التحكم وإدارة حساب فودافون كاش. 
◘ امكانية التحويل من حساب فودافون كاش لحساب فودافون كاش آخر. 
◘ امكانية الدفع أونلاين عن طريق فيزا فودافون كاش.