كود تجديد باقة فودافون فليكسات

كتير من عملاء فودافون الكارت عندهم مشكلة في تجديد باقة فليكس للانترنت والدقايق ،وبيسأل كتير منهم عن كيفية تجديد باقة فودافون وترحيل الفليكسات المتبقية ، أو حتي عن كود تجديد باقة فودافون ، وفي المقال دا هنوضح كود تجديد باقة فودافون وترحيل الفليكسات المتبقية وكمان هنديك معلومات عن أسعار باقات فودافون فليكسات للانترنت والدقايق . 

أسعار باقات فليكسات فودافون الشهرية 

فودافون بتقدم كتير من الباقات علشان تناسب المستخدمين لشبكة فودافون واللي عددهم يتجاوز 27 مليون مستخدم لخطوط فودافون و الباقات دي كالتالي : 

1- باقة فودافون فليكس 20 الشهرية 

باقة فليكس 20 الشهرية بتديك 550 فليكس وتكلفة تجديد باقة فليكس 20 الشهرية تقريباً 33 جنيه شاملة الضريبة.

2- باقة فودافون فليكس 30 الشهرية 

باقة فليكس 30 الشهرية ودي بقي هتديك 1100 فليكس يعني ضعف الباقة اللي فاتت وبتكلفة 48 جنيه شاملة الضريبة.

3- باقة فودافون فليكس 50 الشهرية 

باقة فليكس 50 الشهرية هتديك 2200 فليكس بتكلفة  77 جنيه شاملة الضريبة.

4- باقة فودافون فليكس 70 الشهرية 

باقة فليكس 70 الشهرية بتكلفة 105 جنيه شاملة الضريبة وهتديك 3300 فليكس. 

5- باقة فودافون فليكس 90 الشهرية 

ودي واحدة من أكبر الباقات وبتديك 4400 فليكس وبتكلفة شحن 134 جنيه شاملة الضريبة. 

علماً أن اسعار الدقائق والميجا بايت كما يلي :

 الدقيقة لأي رقم فودافون = 1 فليكس 

اسـتهلاك 1 ميجا بـــايـت  = 1 فليكس 

الدقيقة لأي رقم تاني داخل مصر = 5 فليكس 

الدقيقة للخط الأرضي = 5 فليكس 

ازاي اعرف الفليكسات المتبقية في باقة فودافون فليكس

• بعد كل مكالمة بتجيلك رسالة بتكلفة 1 قرش بيكون فيها عدد الفليكسات المتبقية ، علشان كدا ننصحك أنك تشحن 2 جنيه زيادة علي تكلفة الباقة علشان تستهلكم في معرفة الفليكسات المتبقية من باقة فودافون. 

• أو ممكن تتصل علي #9001* علشان تشغل خاصية الفليكسات المتبقية بتكلفة 1 قرش.

باقات فودافون فليكس الاضافية 

بعد ما الباقة تخلص ناس كتير بتسأل ازاي ازود عدد الفليكسات اللي معايا ، وازاي اعمل باقة اضافية علي باقة فودافون فليكس اللي معايا 

الموضوع سهل وبسيط ، كل اللي عليك تستخدم كود من أكواد باقات فودافون فليكس الاضافية حسب رغبتك ، والأكواد كما يلي : 

1. كود باقة فودافون فليكس الاضافية 60 فليكس في الشهر بتكلفة 3 جنيه 

الكود :   #03*880* 

2. كود باقة فودافون فليكس الاضافية 120 فليكس في الشهر بتكلفة 5 جنيه 

الكود :  #05*880* 

3. كود باقة فودافون فليكس الاضافية 300 فليكس في الشهر بتكلفة 10 جنيه 

الكود :  #10*880* 

كود تجديد باقة فودافون فليكسات قبل ميعادها وترحيل الباقي 

لتجديد باقة فودافون فليكسات قبل ميعادها أو حتي في ميعادها وترحيل الباقي ، فيه طريقتين سهلين علشان تجديد الباقة فليكسات فودافون وترحيل المتبقي 

أولا : الاتصال علي رقم 880 و بعدها نضغط 1 زي ما بتقول الخطوات . 

ثانيا : نستخدم الكود المختصر لتجديد باقات فودافون فليكس الشهرية 

الكود : #225*

ونضغط علي 2 للتجديد ، وبعدها نضغط رقم 1 لترحيل الفليكسات. 

اكواد متعلقة بباقة فودافون فليكس الشهرية 

◘ كود معرفة الفليكسات المتبقية من الباقة فودافون 

الكود : #60*      ، بتكلفة 19 قرش 

◘ كود تحويل باقة الفليكسات ( تغييرها بباقة أكبر أو أقل ) 

الكود : #880*    ببلاش 

◘ كود معرفة ميعاد تجديد باقة فليكسات الشهرية 

الكود : #225*      ببلاش